Lögð fram til kynningar fundargerð 943. fundar stjórnar sambandsins frá 9. febrúar 2024, sem undirrituð hefur verið með rafrænum hætti.

Lagður fram ársreikningur Bakhjarls Sambands íslenskra sveitarfélaga fyrir árið 2023, sbr. 4. tölulið fundargerðar 942. fundar stjórnar sambandsins. Undir þessum lið sat Lilja D. Karlsdóttir, löggiltur endurskoðandi frá KPMG, og lagði fram endurskoðunarskýrslu, dags. í febrúar 2024, og áritaði jafnframt reikninginn stafrænt sem óháður endurskoðandi sambandsins.

Lagður fram ársreikningur Sambands íslenskra sveitarfélaga fyrir árið 2023, sbr. 5. tölulið fundargerðar 942. fundar stjórnar sambandsins. Undir þessum lið sat Lilja D. Karlsdóttir, löggiltur endurskoðandi frá KPMG, og lagði fram endurskoðunarskýrslu, dags. í febrúar 2024, og áritaði jafnframt reikninginn stafrænt sem óháður endurskoðandi sambandsins.

Formaður samninganefndar sveitarfélaga og formaður gerðu grein fyrir stöðu kjaramála í febrúar 2024 og tillögur ríkisins varðandi aðkomu sveitarfélaga.

Lagt fram minnisblað stjórnsýslusviðs sambandsins, dags. 13. febrúar 2024, um áhersluverkefni í úrgangsmálum 2024.

Rætt um hugmynd að stofnun fagteymis skv. aðgerðaráætlun um stefnumótandi áætlun í málefnum sveitarfélaga fyrir árin 2024-2038. Hlutverk fagteymisins verður að taka við beiðnum um aðstoð frá kjörnum fulltrúum vegna eineltis, ofbeldis, kynbundinnar og kynferðislegrar áreitni, meta þær og koma í viðeigandi farveg og eftir atvikum fylgja eftir tilkynningum til teymisins og tryggja að þær fái viðhlítandi málsmeðferð. Teyminu verður jafnframt ætlað að miðla upplýsingum og vinna að forvörnum á ofangreindu sviði. Er hugmyndin í samræmi við stefnumörkun sambandsins en þar segir að sambandið eigi að styðja við að umbótatillögur um starfsaðstæður kjörinna fulltrúa komist til framkvæmda í samræmi við þingsályktun um stefnumótandi áætlun í málefnum sveitarfélaga.

Lögð fram drög að samningi milli Sambands íslenskra sveitarfélaga og Íslenska fæðuklasans ehf en markmið hans er m.a. að draga út vistspori fæðuframleiðslu með hringrásarhagkerfið að leiðarljósi, stuðla að byggðafestu, efla mótun frumkvöðla- og nýsköpunar þekkingar á meðal ungmenna.

Lagt fram bréf Persónuverndar, dags. 11. janúar 2024, um ákvörðun um notkun Google Workspace for Education í grunnskólastarfi.

Lagt fram sem trúnaðarskjal drög að samkomulagi milli innviðaráðherra og bæjarstjórnar Grindavíkurbæjar um stuðning við stjórnsýslu og fjárhag sveitarfélagsins á grundvelli VIII kafla laga nr. 138/2011. Að auki lagt fram álit Eftirlitsnefndar með fjármálum sveitarfélaga vegna samkomulagsdraganna, dags. 22. febrúar 2024. Einnig lagt fram í trúnaði bréf Fannars Jónassonar bæjarstjóra Grindavíkurbæjar, dags. 22. febrúar 2024, um samkomulagið.

Lögð fram til kynningar umsögn sambandsins til umhverfis- og samgöngunefndar Alþingis, dags. 12. febrúar 2024, um frumvarp til laga um Umhverfis- og orkustofnun, 585. mál.

Lögð fram til kynningar umsögn sambandsins til umhverfis- og samgöngunefndar Alþingis, dags. 14. febrúar 2024, um frumvarp til laga um breytingu á skipulagslögum nr. 123/2010 (tímabundnar uppbyggingarheimildir, 628. mál.

Lögð fram til kynningar umsögn sambandsins til umhverfis-, orku- og loftslagsráðuneytisins, dags. 19. febrúar 2024, um frumvarp til laga um breytingu á lögum um úrvinnslugjald nr. 162/2002 (hringrásarhagkerfi, umbúðir, ökutæki o.fl.), mál nr. S-28/2024.